一
小三资，
拉车子，
一拉拉到陆家嘴。
拾着一包香瓜子，
炒炒一锅子，
吃吃一肚子，
拆拆一裤子，
到黄浦江边解裤子，
拨拉红头阿三看见仔，
拖到巡捕行里罚角子。
二
山里有只庙，
庙里有只缸，
缸里有只碗，
碗里有只蛋，
蛋里有个小和尚，
嗯呀嗯呀要吃绿豆汤。
三
从前有只庙，
庙里有棵树，
树下有个老和尚，
老和尚对小和尚讲故事：
从前有只庙，
……
四
从前有座山，叫黄昆山；
山浪有条路，叫叽哩咕噜；
路边有只庙，叫莫名其妙；
庙里有只缸，叫四大金刚；
身浪有把剑，叫看勿见；
来了两个官，一个叫笔套管，一个叫痰盂罐；……
五
山浪有只老虎，
老虎要吃人，
拿伊关辣笼子里。
笼子坏脱，
老虎逃脱，
逃到南京，逃到北京，
买包糖精，
摆辣水里浸一浸，
密西密西拉胡琴。
六
啷啷啷,骑马到松江
摇摇摇,摇到外婆桥,
外婆叫我好宝宝。
月亮亮,家家小囡出来白相相……
七
一箩麦,两箩麦,三箩开花拍大麦,劈劈拍,劈劈拍。
八
本来要打千千万万记,现在辰光来不及,马马虎虎打十记,一、二、三、四……
九
笃笃笃,卖糖粥,三斤蒲桃四斤壳。张家老伯伯辣辣坐,问侬讨只小花狗。
十
小皮球,小小篮,落地开花二十一,二五六,二五七,二八二九三十一;三五六,三五七,三八三九四十一……
十一
一歇哭,一歇笑,两只眼睛开大炮。一开开到城隍庙，城隍老爷哈哈笑。
十二
赖学精,白相精,书包掼辣屋头顶,看见先生难为情!
十三
叫伊淘淘米，揿脱仔饭箩底；
叫伊挽挽水，驳起屁股摸螺蛳；
叫伊拔拔葱，登拉田里竖烟囱；
叫伊纺纺纱，锭子头上开朵花；
叫伊绣绣鞋，好像鸡脚赖；
叫伊织织布，布机潭里撤推污；
叫伊兜兜火，东家白话西家坐；
叫伊捉捉花，偷是隔壁田里瓜。
十四
梁山头浪一只羊，远往松江粜米粮。
大斗量来小斗卖，升箩投浪养爹娘。
爹娘养我能长大，我养爹娘勿久长。
十五
康铃康铃马来哉，
隔壁大姐转来哉。
啥个小菜？
